Ethiopian Energy^Power Business Portal

(thereporterethiopia/ዮሐንስ አንበርብር, 18 April 2018)

አገሪቱ በአሁኑ ወቅት ከምታመርተው አጠቃላይ የኤሌክትሪክ ኃይል ውስጥ በየዓመቱ ከ1000 ሜጋ ዋት በላይ ኃይል ጥቅምላይ ሳይውል እየባከነ መሆኑን፣ የኢትዮጵያ ኢነርጂ ባለሥልጣን አስታወቀ። ባለሥልጣኑ ይህንን ያስታወቀው ያለፉት ዘጠኝ ወራት የሥራ አፈጻጸም ሪፖርቱን ሰኞ ሚያዝያ 8 ቀን 2010 ዓ.ም. ለፓርላማውየተፈጥሮ ሀብት ጉዳዮች ቋሚ ኮሚቴ ባቀረበበት ወቅት ነው። የባለሥልጠኑ ዋና ዳይሬክትር አቶ ጌታሁን ሞገስ፣ በአገሪቱከሚታየው ጥንቃቄ የጎደለው የኃይል አጠቃቀም የተነሳ ከአጠቃላይ የኤሌክትሪክ ኃይል በየዓመቱ 26 በመቶ እንደሚባክን ይፋአድርገዋል። ኃይል ሊባክንባቸው የሚችሉ ሁኔታዎች መለየታቸውን፣ የማስተካከያና ማሻሻያ ሥራና ዝርዝር የኢነርጂ ኦዲት መከናወኑን፣ድንገተኛ የሆኑ የኢንስፔክሽን ሥራዎችና የኃይል አጠቃቀም በሚመለከት ሥልጠናዎች መሰጠታቸውን ዳይሬክተሩ ተናግረዋል።የኤሌትሪክ ምጣድ ደረጃ የወጣለት መሆኑንና የተሻሻሉ የቴክኖሎጂ ሥራዎች መከናወናቸውን፣ በ22 ኢንዱስትሪዎች ላይ የቅኝትኦዲት መደረጉንና በሦስት ፋብሪካዎች ዝርዝር የኢነርጂ ኦዲት መከናወኑን አስረድተዋል። 

ይሁን እንጂ የኢነርጂ አዋጁ በፓርላማ ከፀደቀ በኋላ የሚኒስትሮች ምክር ቤት የአዋጁን ማስፈጸሚያ ደንብ በፍጥነት ማፅደቅቢጠበቅበትም፣ ከአራት ዓመታት በኋላ እንኳን አለመድረሱን ገልጸዋል፡፡ በዚህም ሳቢያ ባለሥልጣኑ አስገዳጅ ዕርምጃዎችመውሰድ እንዳይችል አድርጎታል ብለዋል። በተለይ ከፍተኛ ኃይል የሚጠቀሙ ኢንዱስትሪዎች፣ ሆቴሎች፣ ዩኒቨርሲቲዎችና ሌሎች ተቋማት የሚያባክኑትን ኃይልመቆጣጣር አለመቻሉን ጠቁመዋል። መረጃዎች እንደሚያመለክቱት 1,800 ሜጋ ዋት ኃይል የሚያመነጨው የጊቤ ሦስት ኤሌክትሪክ ኃይል ማመንጫ ሥርጭት በመጀመሩ፣ የአገሪቱን አጠቃላይ የኃይል አቅርቦት ከ4000 ሜጋ ዋት በላይ አድርሶታል። ከዚህ የኃይል አቅርቦት መጠን እየባከነየሚገኘው 26 በመቶ ሲሆን፣ ይህም ማለት ከ1,000 ሜጋ ዋት በላይ ነው።

ኢትዮጵያ ጎረቤት አገሮች ለሆኑት ጂቡቲና ሱዳን የኤሌክትሪክ ኃይል ኤክስፖርት በማድረግ ላይ መሆኗ ይታወቃል። እ.ኤ.አ. በ2017 ለሁለቱ አገሮች በድምሩ 180 ሜጋ ዋት ኤክስፖርት ተደርጎ 80 ሚሊዮን ዶላር ገቢ መገኘቱን መረጃዎች ያመለክታሉ።

ይህንን መሠረት በማድረግ በየዓመቱ በመባከን ላይ የሚገኘው የኃይል መጠን በገንዘብ ቢሰላ 440 ሚሊዮን ዶላር የሚገመት ሲሆን፣ በአገር ውስጥ ጥቅም ላይ እንዲውል ማድረግ ከተቻለም የኤሌክትሪክ ኃይል ተጠቃሚነትን በማስፋት ተጠቃሚ መሆንያልቻለው 65 በመቶ የአገሪቱ ማኅበረሰብ መጠን መቀነስ እንደሚቻል ቁጥሮቹ ያሳያሉ።

የቋሚ ኮሚቴው ሰብሳቢ ወ/ሮ አስቴር አማረ የሚባክነው የኤሌክትሪክ ኃይል መጠን ከፍተኛ ከመሆኑ አንፃር ባለሥልጣኑኃላፊነቱን ተወጥቷል ማለት እንደማይቻል በመግለጽ፣ ብክነቱን ለመቀነስ ከሚመለከታቸው አካላት ጋር በቅንጅት መሥራትእንዳለበት አሳስበዋል።

የኢነርጂ ብቃትና ቁጠባ መመርያ በሚኒስትሮች ምክር ቤት በፍጥነት እንዲያፀድቅ፣ የተሰጠውን ሥልጣንና ኃላፊነትበመወጣት ለምክር ቤቱ ሪፖርት እንዲያደርግም ማሳሰቢያ ሰጥተዋል፡፡

0
0
0
s2smodern

Add comment


Security code
Refresh